Песнi

Ой ты, салавей, ой ты, шчабятун

Летнiя

Ой ты, салавей, ой ты, шчабятун

Ой ты, салавей, ой ты, шчабятун,
Да й не шчабечы, ўгору летучы.

Да й не шчабечы, ўгору летучы,
Да й не абівай ранняе расы.

Да й не абівай ранняе расы:
Абаб’е росу, ох, мая мамачка.

Абаб’е росу, ох, мая мамачка,
Часта, ох, да мене ў госьці ходячы.

Часта, ох, да мене ў госьці ходячы,
Да й маго жыцця атведуючы.

Да й маго жыцця атведуючы,
Ох, як я жыву, як я гарую.

Ох, як я жыву, як я гарую,
Аддала ж мене мамка ў чужу сторану,

Аддала ж мене мамка ў чужу сторану,
Ў чужу сторану, ў веліку сем’ю.

Ў веліку сем’ю,
Веліка сем’я, ой, сіла снедаці.

Сіла снедаці.
Мене ж, маладу, ох, шлюць і па воду.

Шлюць і па воду,
Па воду я йшла – умывалася.

Умывалася,
А з вадою йшла – уціралася.

Уціралася.
А в хату ўвайшла – засьмеялася.

Засьмеялася,
Веліка сем’я, ох, дагадалася

 

Запісала І.В. Мазюк у 2004 г. у в. Бярозкі Брагінскага раёна ад Пелагеі Кірыленка, 1936 г.н., Марыі Музычэнка, 1928 г.н.