Песнi

Муж буй в сердцы глаголаше

Псальмы, духоўныя
тэксты

Муж буй в сердцы глаголаше

                (Псалом 13 з ''Рыфматворнага псалтыра'')

 

Муж буй в сердцы глаголаше,

несть Бог правый и не бяше.

Тем же врази вси ся тлиша,

в делех своих мерзцы быша.

Господь свыше призирает,

в сынех людских усмотряет.

Есть ли кто в них правду знаяй

или Бога воззываяй.

Вси ся на зло уклониша,

неключими вкупе быша.

Несть муж хотяй то творити,

что всем благо может быти.

Несть же в мире до едина

благостынна людска сына.

Ни ли убо разумеют,

иже люте злая деют.

Люди, яко хлеб снедают,

вины кроме поглощают.

Сами Бога не призваша,

Господь страх не бе трепеташа.

Яко Господь в правых роде,

посрамити вам бысть годе.

Совет нища, яко в Бога,

бе надежда ему многа.

Кто з Сиона спасение

Израилю даст в пение.

Егда плен наш возвратится,

весь Израиль осклабится.