Песнi

Як пашоў я на базар...

Прыпеўкі і жартоўныя песні

Як пашоў я на базар...

Як пашоў я на базар

Люльку купаваці,

Найшоў люлечку чырвону, –

Не з кім таргаваці.

Найшоў люлечку чырвону, –

Не з кім таргаваці.

Сама йграе, сама б’е, –

Выбівае, стукае.

Сама йграе, сама б’е, –

Выбівае, стукае.

 

Як я люлечку купіў

Да начаў курыці,

Сабраліся мужыкі,

Хацелі набіці,

Сабраліся мужыкі,

Хацелі набіці.​

 

Сама йграе, сама б’е, –

Выбівае, стукае.

Сама йграе, сама б’е, –

Выбівае, стукае.

 

Як пашоў я ўцякаць

Да праз тры гароды,

Зачапіўся за гарбуз, –

Нарабіў я шкоды.

Зачапіўся за гарбуз, –

Нарабіў я шкоды.

Сама йграе, сама б’е, –

Выбівае, стукае.

Сама йграе, сама б’е, –

Выбівае, стукае.

 

Спявае Ананчыцкі народна-этнаграфічны ансамбль:

Месца запісу: в. Ананчыцы, Салігорскі р-н, Мінская вобл.

ЗапісаўАнтон Іванавіч Гурскі ў 1987 г.

АІМЭФ – Ф. 20. Воп. 87. Ст. 23. №23.

Альбом "Бяседныя песні" ( 2019 TRADYCYJA)