Песнi

Нядоля

Лірычныя

Нядоля

Нядоля, нядоля нешчасця маё – 2

Ня любіць свякроўка мяне, маладу,

Ні мяне, ні мяне, не імя маё.

Ішле мяне рана ў Дунай па ваду.

Я вядзёркі брала – не застукала,

А выйшла на вулку, ды заплакала.

Пачуў мой міленькі, коней пасучы,

Не плач, мая міла, не плач, любая,

Я й каня напасу, вады пранясу.

- Нясі, мой міленькі, поўныя суды,

Каб твая мамулька не рассердзілась,

Каб гэта вадзіца не расплехалась.

- Вось табе, свякроўка, з Дунаю вады,

Напійся, памыйся, хоць ты залейся.

- Я ж цябе, нявеста, не вады слала,

Я ж цябе, нявеста, з сьвету сжывала

- Ты ж мяне, свякроўка, дзеўкаю знала,

Нашто ж ты мяне за нявесту брала?

Не прасі, свякроўка, на мяне смерці,

Ухвоцюць, свякроўка, самою чэрці.

 

 

Выконвае: Фальклёрны гурт "Варган"

Альбом «Музыка Полаччыны» ( "Tradycyja" 2018г.)